Per l prim iede se mët Biennale Gherdëina adum cun la Kaunas Biennial – na cunlaurazion de gran mpurtanza che porta adum doi plataformes europeiches d’ert cuntemporana da vivanda. Metuda su tl 1997, ie la Kaunas Biennial la manifestazion d’ert cuntemporana plu granda y da plu da giut di Stac baltics. Tl prim pieda via cun l pont zentrel sun l’ert dl stof, fovela pona deventeda n forum dinamich che tol ite na gran varietà de formes artistiches, promuev l dialogh nternaziunel y ti va permez a tematiches sozieles y cultureles urgëntes – valores che se spidlea tl sot nce cun la miscion de Biennale Gherdëina.
Dai 12 de setëmber nchin ai 23 de nuvëmber 2025 nvieia la 15ejima edizion dla Kaunas Biennial l publich a fé n viac tres l’ert, la natura y la nmaginazion cun la mostra secundera Echoes Between Forests and Mountains, che veij la partizipazion del Atelier dell’Errore, Ruth Beraha e Arnold Holzknecht — artisć y artistes crì ora da Lorenzo Giusti, curatëur dla Biennale Gherdëina 9 — y Maximilian Oprishka, Aisté Ambrazevičiūté e Andrius Arutiunian — artisć y artistes dla lituana crì ora da Neringa Kulik, diretëura Kaunas Biennial.
Metuda ora ti biei locai dla Meno parkas Gallery y tla sënta dl Museum dla zità de Kaunas tla Cësa de chemun, nasc la mostra da na rë ativa de cunlaurazions nternaziuneles, che lieia Kaunas cun la Biennale de Lione y CHRONIQUES – la Biennale des Imaginaires Numériques.
Te na ancunteda interculturela dinamica rundenësc Echoes Between Forests and Mountains, sëura i cunfins ora – na zelebrazion dla nmaginazion spartida y dl barat artistich danter Talia, Lituania y Franzia.
La mostra esplurea l liam cumplicà danter natura, mit, tecnologia y ntervënt dla persona. Nravisei te si paesajes – dai bòsc dla Lituania ala valedes alpines – pieta i artisć esperienzes de scultura y mprescions che spidlea n cruze che i à duc canc per l raport cun l mond dla natura y coche l se trasfurmea tresora. Danter scultura, film, nstalazion y sonn ie la mostra coche n paesaje cunzetuel ulache l se anconta pruzesc ecologics, stories dla persones y speculazions n cont dl daunì.
Dai 30 de mei nchin ai 13 de setëmber 2026 purterà trëi artisć y artistes dla Lituania – Andrius Arutiunian, Eglé Kulbokaité y Augustas Serapinas – si ujes ala Biennale Gherdëina 10. Cric ora da Samuel Leuenberger, curadëur dla proscima edizion, do n viac de nrescida ntensif danter Vilnius y Kaunas de jené dl 2025, sënia si partezipazion n capitul nuef tl dialogh danter la doi edizions bieneles.
Chësc barat creatif vën a se l dé de gra ala vijion spartida da duta la pertes y al sustëni dl un y dl auter vieres dl Minister dla Cultura Talian, dl Istitut de Cultura dla Lituania y dl Ambasceda dla Republica dla Lituania tla Republica Taliana, fajan su puenc danter la Dolomites y l Baltich – ulache ideies, cultures y nmaginazions se ngatieia te na maniera liedia.
Echoes Between Forests and Mountains ie pert dl program Cultura Lituana tla Talia 2025–2026. L program Cultura Lituana tla Talia 2025–2026 ie realisé dall’Istitut de Cultura Lituano y dall’Ambasceda dla Republica dla Lituania tla Republica Taliana.