Cunzert dla grupa de percuscionisć dl Südtirol conTakt, che sunerà l’opra monumentela Tutuguri VI dl cumponist tudësch Wolfgang Rihm (1952-2024), una dla opres plu radicales y ntensives dla mujiga cuntemporana. Plu che vester mé n pez scëmpl, per sies percuscionisć, se tratel de n teater sonor rituel autentich, ulache la mujiga se trasfurmea te na esperienza, che se muev danter n aspet fisich dl vester corp y spidlé tl medemo mumënt la pert dl anima. Chësc pez de percuscion, ie suvënz stat udù sciche n lëur artistich da stramp sterch y faszinënt te si putënza arcaica.
L’opra, che dura plu o manco trëntecin’ menuc, ie penseda per sies percuscionisć, che se concia su dedora. La grupa ie metuda adum belau mé da tamburdli, tom-tom, congas, grancassa, wood blocks, taieresc y tam-tam y i strumënc a percuscion acurdei ne n’ie belau nia presënc. L vën ora na scritura de mujiga che ne se basa nia sun sonns da cunëscer, ma sun l ritm y la forza dl muvimënt de percuscion.
Ulà: Plaza Rezia, dan la bar Soviso, Urtijëi.
Ntreda debant, n se damanda deguna registrazion.