Author: Biennale Gherdeina

Dumënia 13 de setëmber, n ucajion dla finissage de (Future) Paradise Gardens, la diejejima edizion dla Bienela Gherdëina cureda da Samuel Leuenberger, stlujerà ju cun n di dedicà al paesaje, si dimenscion culturela y tlimatica y per si capazità de purté a lum formes nueves che se met n relazion ala comunità. I vijitadëures ie nviei de passé duta la dumënia te Gherdëina tulan l’ucajion de se cunfrunté inò cun l cunzet y i lëures de (Futur) Paradise Gardens.

L di scumëncia dala 11.00 sa Pilat, (ulache n ruva su mé a pe, te 40 menuc, pian via dal zënter de Urtijëi) cun n talk ulache l fajerà pea l architet dl paesaje y artista dla Bienela Bas Smets y l autëur Vartan Karapetian, cun la muderazion dla ex Ministra per la Cultura taliana y presidënta atuela dla Human Foundation, Giovanna Melandri. La mëisa turonda esplurerà l raport danter paesaje, memoria, biodiversità y l mudamënt tlimatich, fajan n dialogh danter pratiches artistiches, proietazion dla cuntredes y patrimone culturel, per pensé do sun la trasfurmazions di ecosistems y sun la manieres de se nmaginé y stravardé i luesc ulache nëus vivon. 

L’ancunteda sarà na ucajion per jì plu sot tla tematiches dla nrescida de Smets y Degrees of Elevation, la nstalazion che ie da udëi ala Bienela Gherdëina. L proiet ie unì svilupà dal dl’artist deberieda ala diretëura artistica Eliane Le Roux, aposta per l raion sa Pilat per nrescì la fazions dl mudamënt tlimatich tla Elpes. 

Pra la mëisa turonda saral nce la prima prejentazion a livel europeich de The English Park, An Ecology of Memory in Yerevan, publicheda da Armenian Arts Council Editions, cun la prejënza dl autëur Vartan Karapetian. L liber tol tres la storia y l patrimone culturel dl English Park de Yerevan tulan ite cuntribuc de Norbert Peeters, Aram Pachyan y Marina Haroyan. La publicazion ie stata fata n ucajion dla United Nations Biodiversity Conference, l ancunteda nternaziunela dedicheda ala biodiversità, che sarà a Yerevan dai 19 ai 30 de utober 2026. 

L talk durerà plu o manco 90 menuc. Per ruvé pra la manifestazion muessen pië via a pe da Urtijëi demez tulan l troi nr. 15, per ca. 40 menuc. 

Dala 15:00 00, l publich ie nvià a fé pea debant pra l’ultima vijita meneda tla sëntes de espusizion dla Bienela a Urtijëi. La vijita scumencerà dal Info Point tla Sala Trenker y durerà plu o manco 90 menuc. 

L di se stlujerà ju, dala 17:00 ala 19: 00, pra la nstalazion (Future) Paradise Gardens sun Plaza Stetteneck a Urtijëi, cun na azion performativa dedicheda ala cundivijion y ala cuntinuità dl verzon. L’architeta de paesaje Eva-Maria Schgaguler menerà l publich tres la plantes dla nstalazion ora ti dajan pea una, se damandan da pert dl publich na pitla dunfierta per sustenì l’ativiteies dla Vinzenzgemeinschaft de Gherdëina. N gest simbolich de cundivijion y de cura che ti lascerà pro ala plantes de jì inant sun si streda nce do la Bienela, trasfurman la nstalazion te na rë sterscia de relazions y respunsablteies. A chësta maniera devënta i vijitadëures che fej pea, i vardians dl daunì dl verzon dl paravis, persunifican la tematica dla Bienela Gherdëina 10, judan a chësta maniera dla trasfurmé te realtà. 

Duc i apuntamënc dl di dla finissage, la ntredes ala sales dla mostres y ala vijita meneda che ie dala 15:00, ai 13 de setëmber, ie debant. L ne vën nia damandà prenotazion. 

 

---

 Bas Smets (1975, Hasselt, Belgio) viv y lëura danter Bruxelles y Paris. Bas ie l fundadëur dl studio de architetura dl paesaje Bureau Bas Smets y prufessëur tla Harvard Graduate School of Design. Si lëur va dai gran parcs publics nchin a zëntri storics, da nfrastrutures dl paesaje nchin a set cinematografics. L ie cunesciù per avëi svilupà ecologies urbanes nueves ulache la vegetazion, l fonz y l’ega fej nascer microclims che auza la resilienza dl ambient urban al mudamënt dl tlima. Tl zënter de si pratica iel truepa cunlaurazions cun scienziac y scienziates, artisć y artistes. N valgun proiec fai da permò, ie l Parc des Atelier LUMA a Arles, la lueges publiches ntëur la Catedrela de Notre- Dames a Paris, che ie al mumënt tl lëur de unì frabicà, y Building Biospheres dl padilion belga dla Bienela d’architetura de Unieja dl 2025 che ie stat svilupà deberieda al neurobiologh Stefano Mancuso.
 

Vartan Karapetian, storich d’ert y curadëur, nriej te si lëur la relazions danter ert, paesaje y memoria tres nrescides de archif, stories che ven cuntedes y proiec nterdisziplineres. Danter si ultima publicazions abinons, Haroutiun Galentz. The Form of Color (Skira), dedicà al’opra dl artist armenian-libanesc Haroutiun Galentz, y The English Park. An Ecology of Memory in Yerevan (Armenian Arts Council Editions).
 

Giovanna Melandri ie na manager y ex Minister dla Cultura dla Republica Taliana. Dal 2012 al 2022 iela stata presidënta dla Fundazion MAXXI, dajan n cuntribut al svilup nternaziunel dl museum. Ëila ie fundadëura y presidënta dla Human Foundation, na urganisazion che se dà ju cun la prumozion dl’inuvazion soziela, dla finanza a mpat y dl svilup sustenibl. Bel da ani incà lëurela pra la nterazion danter cultura, politica publica y inuvazion soziela, purtan inant la pert dla cultura coche motor de trasfurmazion dla sozietà.

Eva-Maria Schgaguler se nteressea dantaldut al raport danter la persones y l paesaje culturel y naturel, te si dimenscion storica y cuntemporana. Spartian i prinzips dla Cunvenzion europeica dl paesaje, nterpretea ëila l carater de uni luech sciche n resultat de n dialogh danter fatores naturei y ntervënc fai dala persones. Do avëi fat la laurea de trëi ani de architetura dl paesaje tl’Università de Genova, cun na tesi dedicheda ala scunanza di verzons storics, ala scumencià si esperienza prufesciunela tla BplusB a Amsterdam, se dajan ju cun proiec de zità y de lueges publiches. La à nscila fat n master de architetura dl paesaje tl College of Art de Edinburgh, lauran ora na tesi n con’ di verzons dla Hofburg de Persenon. Daldò ala laurà adum cun Dolar Landscape a Persenon, se dajan ju cun la planificazion dl paesaje a livel cumunel. Dal 2010 al 2016 ala fat pert ala grupa de Studio Vulkan a Zurigo, fajan pea pra truep proiec de paesaje y pianificazions urbanistiches. Danter l 2017 y l 2019 ala laurà tla Snøhetta Studio a Dispruch coche project managerin, ti jan do, danter l auter, al proiet dl Swarovski Orchard a Wattens. Dal 2016 incà lëurela coche architeta dl paesaje te si studio a Sëuc dal Scilier, lauran ora proiec tla Talia, tl’Austria y tla Svizra. Uni proiet nasc do avëi scutà su avisa l luech, se svilupan tres n pruzes che ie bon de mëter adum identità, sustenibltà y cualità estetica, ti dajan vita a sperses che ie scialdi nravisedes te si cuntest. 

Dormancy von Jacopo Belloni – eines der Werke, die vom 31. Mai bis 13. September 2026 Teil von (Future) Paradise Gardens, der zehnten Ausgabe der Biennale Gherdëina, kuratiert von Samuel Leuenberger, zusehen sein werden – zählt zu den Gewinnerprojekten der 14. Ausgabe des Italian Council 2025. Das Förderprogramm der Generaldirektion für zeitgenössische Kreativität des Kulturministeriums verfolgt das Ziel, italienische Gegenwartskunst international zu fördern.

Dormancy entfaltet sich in zwei Phasen, in zwei skulpturalen Zyklen. Der erste Zyklus, Dormienti (Schlafende), besteht aus einem Samen-Behältnis – einer Art Schrein oder Reliquiar, der Samen enthält, die gemeinsam mit Vereinen und Gruppen der jeweiligen Ausstellungsorte, in diesem Fall Gröden, untersucht und gesammelt werden.

Der zweite skulpturale Zyklus, Nenie (Klagelieder), umfasst Skulpturen aus Kupfer-Destillatoren, die als Extraktoren zur Gewinnung ätherischer Öle von Pflanzen, mit beruhigenden und schlaffördernden Eigenschaften, dienen. Der zweite skulpturale Zyklus, koproduziert mit der Biennale Gherdëina, soll zu einer Auseinandersetzung mit dem Thema Garten beitragen – der nicht nur Schutzraum für Flora und Fauna ist, sondern auch ein Ort, an dem Vorstellungen einer gerechten und gleichberechtigten Zukunft Gestalt annehmen. Zudem wird Dormancy  von der Arbeitsgruppe Ackerbau und Arznei- und Gewürzpflanzen des Versuchszentrums Laimburg wissenschaftlich begleitet, dem führenden Forschungsinstitut für Landwirtschaft und Lebensmittelverarbeitung in Südtirol.

Im Dachgeschoss eines alten Schulgebäudes in St. Christina setzt sich Dormancy, bestehend aus beiden skulpturalen Zyklen, sowohl mit den biologischen als auch mit den emotionalen Dimensionen des Innehaltens auseinander. Sie laden die Besucher*innen zu einer verlangsamten Wahrnehmung ein, in der Dormanz nicht als Abwesenheit erscheint, sondern als ein Zustand des Ausharrens – ein Zwischenraum, in dem sich Leben zurückzieht, vorbereitet und leise fortbesteht.

Der erster Teil des Projekts wurde in Zusammenarbeit mit dem Centre d’Art Contemporain Genève in der Ausstellung Jardins Défiants (Defiant Gardens), kuratiert von Elise Lammer, vom 10. September bis 25. Oktober 2025 in der Halle Nord in Genf produziert und gezeigt. Ab Ende Mai 2026 wird der zweite Teil des Projekts nun im Rahmen der Biennale Gherdëina 10 zu sehen sein. Darüber hinaus wird Bellonis Projekt im Rahmen von Fogo Fátuo, einer Veranstaltung in Zusammenarbeit mit der Galeria Municipal do Porto in Portugal, am 4. Juli vorgestellt und in einem Vortrag im Rahmen von Triangle-Astérides im Sommer in Marseille präsentiert. Im Rahmen der Biennale Gherdëina wird zudem im Laufe des Sommers eine spezielle Samenernte für die Skulptur organisieren. Abschließend wird Dormancy in die permanente Sammlung der GAMeC – Galleria d’Arte Moderna e Contemporanea di Bergamo aufgenommen.

Das Projekt wird mit Unterstützung der Generaldirektion für zeitgenössische Kreativität des Kulturministeriums im Rahmen des Programms Italian Council (14. Ausgabe, 2025) realisiert, das der internationalen Förderung italienischer Gegenwartskunst gewidmet ist.

N sada, ai 30 de mei, gëura la Bienela Gherdëina dala 10:00 danmesdì dan la Sala Trenker a Urtijëi cun n bënunì y na prejentazion istituzionela. Daldò ie i vijitadëures nviei a fé pea na raida adum al curadëur Samuel Leuenberger. Dala 13:00 saral sun Plaza S. Antone na ntervenzion culenera metuda a jì dai artisć Sandra Knecht y Leonardo Bürgi Tenorio.

L program va inant domesdi dala 15.00 a S.Cristina cun na raida meneda, che ie acumpanieda dala performance dl’artista Ana Prvački, dal titul Applied Honey Proverbs. N saut folcloristich tl mond di proverbs da dlonch caprò, ulache l’ecologia anconta l lingaz y la savieza s’amudlea gota per gota.

Dala 18:00 ala 19:30 ie duc nviei pra la vijita meneda sun Pilat, per ti cialé ai lëures metui ora. L di fina via pra Pilat danter la 19:30 y la 21:30 ulache vën festejà la diescejima edizion dla Bienela Gherdëina cun n DJ set dal vif.

N dumënia ai 31 de mei, dala 10:30 saral, tl cheder dla Bienela la Vernissage per i mutons y la mutans y l unirà prejentà n workshop de y cun Pedro Abu Wirz y Michael Marder ntitulà Making, Unmaking, and Remaking Us.

Ntan dut l instà nvieia (Futur) Paradise Gardens i vijitadëures de se dé ju plu sot cun l’ert cuntemporana che devënta na luegia da pensé do y se dé ju cun nosc daunì sozioecologich. La mostra vën acumpanieda da n program rich de vijites menedes, workshops, vijites ti ateliers, jites a pe, referac y performance ntan duta la sajon.

Scuvrì l prugram!

Ai 07 de mei 2026, dala 10:00 nchin la 13:00
Lia I Bochaleri, Ciastel 1257
Unieja (dan la sera di Giardini)

Coche da tradizion nvieia la Bienela Gherdëina a n gusté alalergia tl verzon dla Lia de chëi che lëura la ceramica “I Bochaleri” a Unieja.

Per festejé de avëi arjont dla diescejima edizion, à la Bienela legrëza de prejenté la nueva publicazion dal titul “BG1-10. Biennale Gherdëina Anniversary”. Sarà prejënt l presidënt dla Lia Zënza Sëida, Eduard Demetz, y la diretëura dla Bienela Gherdëina, Doris Ghetta.

L sarà l’ucajion de jì plu sot tla tematica de (Future) Paradise Gardens deberieda cun l curadëur Samuel Leuenberger y n valguni di artisć y dla artistes metui ora tla mostra.

Te aspiton!
RSVP

 

Te Gherdëina uniral dai 31 de mei ai 13 de setëmber 2026 tenì la diescejima edizion dla Biennale Gherdëina, dal titul (Future) Paradise Gardens, a cura de Samuel Leuenbergery che se dejëuj te trëi lueges d’esposizion prinzipeles.

Coche l ie tradizion per la Biennale Gherdëina nasc la identità vijiva de uni edizion dala culaburazion cun n artist o n’artista che tol pert als bienala – tl 2024 cun Atelier dell’Errore, tl 2022 cun Giles Round, tl 2020 cun Marcello Maloberti. L’identità dla diescejima edizion ie unida svilupeda cun Alice Bucknell, che nterpretea cun si lëur da na gran sugestion l tema dla Biennale (Future) Paradise Gardens, te na esplurazion de na lingia de argumënc y cunzec defrënc liei al “verzon dl paravis”.

L cunzet ie unì svilupà da XXY Studio de Milan sota la direzion de Massimo Lafronza. L design ne se cunzentrea nia mé sun l lëur de Bucknell coche soget prinzipel ma l tol nce su elemënc dl’opra d’ert nstëssa crian nsci na interazion visuela direta cun l tema dla Biennale: formes y linies organiches, pustoms che se desfurmea y crësc coche nce n “gradient”  che flurësc y che acumpanieia i/la vijitadëures sëura mesuns de comunicazion defrënc ora – se muan, flurian y sfantan inò.

 

“(Future) Paradise Gardens” ie na rezeta per nes lascé evoché truep monc, y na meludia che nes mëina inò de reviers ala tiera. Te si truep capituli ntrecei l un cun l auter vëniel a se l dé na narazion defrenzieda, che ie da una pert nraviseda tl ecosistem unich dla Dolomites te chël che la Biennale se spand ora y che sofla dal’autra pert coche bon tof ncëurnient, daujin y dalonc, tres cuntredes reéles y imaginedes, antropogenes y autonomes.

“L ie per mé n unëur pudëi purté ite tla  BG10 l juech da vivanda dla forzes ecosistemiches di monc de mi lëur y me ncunforte sun l spënjer nia custemà che chësc avenimënt dla impolinazion gaujerà ti mënsc che vën”,

dij Alice Bucknell sun la culaburazion cun la Biennale Gherdëina.

 

La Biennale Gherdëina 10 – (Future) Paradise Gardens vën tenida dai 31.05. ai 13.09.2026 te Gherdëina, tl cuer dla Dolomites y la nvieia i/la vijitadëures a interagì cun l’ert, l post y l ambient sëura trëi lueges ora.

La giaurida sarà ai 30.05.2026 dala 10:00 inant tl zënter de Urtijëi.