Laurent Le Deunff
∗1977, France
Laurent Le Deunff à na gran preferënza per la tecniches d’ert y d’artejanattradiziuneles che l tol ca suvënz per ngiané la perzezion de chëi che cëla progaujan na contradizion danter materiai adurvei y i ogec mustrei. L fej suvënz nstalazions aldò dl post ulache l mët ora y ulache l sënta ite si scultures y dessënies,sciche teMy Prehistoric Past(2022), ulache là nrescì diorams, “trompe-l’oeils“y cabinëc dla curiositeies tipichs di museums metan scultures, dessënies y bas-reliefs te cuntredes immersives. Te n juech de formes, materiai y proporzionsmët Laurent Le Deunff al mont imajes y stories y mët n cuestion la nuzion dereplica y “fake“ danter la produzion artejanela y industriela y l valor dl profan yl sacral. A unì ite ti ufizies de Biennale Gherdëina tl raion artejanel de Pontivesà Le Deunff fat do na szena de n bosch de marueia tulan ca tiera, scorzes di lëns,pleces sëces, mustl y d’uni sort de plantes vërdes y piciuei. I vijitadëures che vasu aut tla sales de mostra, se muev sun pitli troies, danter l fonz de tiera y nsecuënza de trëi cëves de tieres che l artist à metù ju sun na fundamënta sciche nafòssa, y plu avisa na ciafita dla nëif, n cocodril y n snech. Chisc ie unii fac tl stildecuratif rocailles, coche l fova usanza fé tla Franzia dl 19ejim secul y ulache nziplova tl peton a na maniera che l cëla ora sciche sce l fossa lën. Te chësc cialéora nia reél nes porta l’adurvanza de chësc stil te n mond danter curtina di tieres,ert grotesca y decurazion kitsch di verzons. L fé su chësc pitl parch tl dedite de nfrabicat modern te n raion artejanel de Gherdëina, te chëla valeda cunesciuda persi natura de marueia y nce per la tradizion dl ziplé de seculi, nes lecorda che lacosses ne ie nia for coche les semea.
À partecipé a:
