Eva Papamargariti
∗1987, Greece
lives and work in Athens and London
Eva Papamargariti adrova de plu mesuns per ti jì do ai pruzesc simbiotics y ala dependënza l un dal auter danter persona, natura y tecnologia.Si lëur rejona dl mumënt te chël che l’ert grotesca, la finta y l realism pëta adum, ntan che nosc ambient se dlëiga tl virtuel, tla vita da uni di y tl straurdiner. Te Strong, Feeble, Unfixed(2002) che ie n’opra che se stiza sun la augmented reality ti va l’artista do ala nozion de entropia y al “deventé” cun n corp ibrid che ie tresora n trasfurmazion danter creazion y decadënza. Chësc corp ncherscëul ti semea n iede a na persona, n iede a na planta o a n lën y n iede a n fossil feter che vën da n tëmp nia determinà. Per The Parliament of Marmots à Eva Papamargariti realisà n lëur nuef, na nstalazion video a trëi canai cun tonn che ie unida metuda ora te n garage tl raion da jì a pe de Urtijëi. L argumënt dl’opra ie la dialetica ncherscëula dla natura salvera a chëla che l’artista ti va permez mudan ju imajes fates tres computer cun imajes reéles. Sce n ti va do ala storia da na perspetiva nia umana, ie l pont de ududa chël de na creatura mitologica che ti semea a na chimera che vën bel plan cherdeda adalerch te n bosch da n mpuls misteriëus. Si viac de trasfurmazion danter mucé y jì de reviers ala natura salvera vën acumpanià da rituai de estasa che la porta for de plu te cundizions ulache la se pierd, la ie spirteda, la va a slonder y la ie cunfusa. Chi sons’a nëus te chësc “mond nzauld’auter” che ie la natura salvera? Per l’artista cuntën l’idea de se pierder sibe l dejidere che la tëma dal scunesciù y si opra nes damanda ora sun coche pudon mparé a nes lascé “perseghité” dal bosch.
À partecipé a:
