Markus Vallazza + Martino Gamper
∗1936/1971, Ortisei, Italy/Merano, Italy
† 2019, Bolzano/Lives and works in London
Markus Vallazza à esplurà per duta si vita opres tlassiches y cuntemporanes de leteratura tres dessënies y nzijions. Do i studies a Firënza al passà periodes longes a Paris, Roma, Salzburg y Berlin. Dal 1985 al pona vivùa Viena y a Bulsan. Si zitlus nasc coche chedri liedesc che lieia y se refej a modieiy tesć letereres. Daujin al se dé ju cun figures coche Casanova, Don Quichote y Dante Alighieri se al nce lascià ite giut alalongia cun la figures d’ëiles eroiches dla lijëndes de Fanes, tl raion dla Dolomites. L’ustaria da Ianesc, tl zënter deUrtijëi, fova l post ulache Vallazza ancuntova uni sëira si cumpanies canchel fova te Gherdëina. N ucajion de Biennale Gherdëina 9 ie chësc post deventàl luech ulache l artist mostra na serie de lëures sun papier a tinta y a crëida cuecena che l à fat tl 1992 sciche ilustrazion dl liber Die Frauen aus Fanis dl’autëura Anita Pichler. L mond imaginer visuel de Vallazza nterpretea danuef la figures d’ëiles mitiches de Fanes y si liam cun la muntanioles. Te si liber lëura Anita Pichler ora da nuef la tradizion de cunté stories, les cuntan da nauter pont d’ududa de gra ala culaburazion cun la studiëusa Ulrike Kindl. L cunzet dla mostra tl’ustaria da Ianesc ie de Martin Gamper, l designer plu cunesciù de Südtirol. Lauran sun l cunfin danter ert y design, cun n nteres particuler per i aspec soziei y dla cuntedes mët Gamper adum te si lëur stories de materiai, tecniches, persones y luesc.
À partecipé a:
