Ana Vaz & Nuno da Luz

∗1986/1984, Brasilia/Lisbon
lives and work in Paris

Ana Vaz ie n’artista y na regista; si films, istalazions y performance nfroscia do la relazions danter mit y storia, danter l sé nstës y l’auter, tres na cosmologia de sënies, referimënc y pruspetives. Abinedes de material en pert tlupà adum y en pert tëut su da d’ëila nstëssa, mët si films adum etnografia y spiculazion, y ti va do ala fintes (o al sfriamënt) che resta ncauniëdes ite ti nturiënc cultivei y salveresc. Nuno da Luz ie n artist che se dà ju sibe cun l’acustich che cun l visif sot a forma de performance, istalazions y material stampà.

Si lëur va dala esplorazions dl sonn de n luech, ulache ressunanza y rundenì se ntercea mpralauter davia che l ie pruzesc sunëurs y eco-logics, ala realisazion de libri y ala publicazion cun ATLAS Projectos (en cunlaurazion cun Gonçalo Sena), y slow-motion Palmario Recordings (en cunlaurazion cun Joana Escoval).

Wolves Howling / In Choir / Evening Snow ie na istalazion video cun de plu vidrei te chëi che I artisć ti va do ala fusties cuncretes y imagineres dl lëuf te Sudtirol. Ëi cumbinea adum filmac dala telecameres de sëuraverda dla fauna salvera, registrazions audio tëutes su ti raions traversei dai lëufs y discuscions a puntin cun esperc che i studiëia y ti va do, Ana Vaz y Nuno da Luz se sintonisea cun chësta criatures ai cunfins y ai sistems ecologics, geopolitics, ecunomics y ideologics che chisc à da ti tenì permez, a balanz danter cunservazion y desdruda dl ambient.