Gabriel Chaile
∗1985, Tucumán
Gabriel Chaile se lascia ispiré dala tradizions dl lëur de si familia y mudelea de gran scultures antropomorfes de arjila cruva, che se referësc a figures visueles de statues precolumbianes. Ora de si paroles nstësses: “Mi lëur ie cunlià a na vëta antropologica per capì nosta cosses. Ie me é nstës daniëura udù coche obiet de stude a livel visuel y truepa cosses ie unides a s’l dé pian via da tlo. Ie me é daniëura tëut mprima chël che me fova plu daujin y chësta fova la vita dla tlassa di lauranc. Ie udove chësta imajes, ie udove mi oma che per duta si vita à fat pan te n fëur de arjila, y mi pere, n muradëur, che ruvova tert, ne durmiva nia, paussova puech y laurova scialdi. Dut situazions a chëles che ti son jit permez formalmënter y visualmënter, les ie na maniera de rujené de chël che ne vën nia dant tla tradizion dla sozietà y cie che l ie tlo, l à da n fé cun la vita te luesc che ne n’ie nia da udëi.”Brenda, l inuem ie na omaja ala sor dl’artista, ie na gran figura antropomorfa de arjila. Brenda ie n iede na scultura y depierpul n fëur, cun si forma scëmpla y si cialé ora da drët vedla ativéiela rituai de cumenanza ntëur l fuech, l pan y la purteniënza.
À partecipé a:
