Judith Hopf
∗1969, Karlsruhe
Judith Hopf, che ie deventeda cunesciuda ti ani 90 te na generazion de artisć, lëura cun na gran cumpëida de media y formes de èrt coche la scultura, l film, l dessëni, la performance y monce la realisazion de paladins. Hopf urganisea ancuntedes coche per ejëmpl salons, che la mët a ji adum a autri artisć tla libreria b_books a Berlin-Kreuzberg. Ëila lëura cun materiai da uni di coche ziedli, peton, scipa, materiai de confezion, cun metodes de lëur plutosc scëmples. Si operes scëmples y suvënz de umor fej sci che l vijitadëur scumëncia a udëi la cosses y la formes, da chëles che nosc mond ie metù adum, te na maniera nueva, se nmaginan che les pudëssa deventé zech de nuef.Una de si operes plu cunesciudes, Flock of Sheep (2013) ie na nstalazion de cubi de peton che à giapà forma da cartons de spedizion. L` artista i à trasfurmei te biesces, te chëla che la ti à juntà giames de fier sutil y ti a crià mujes “cartoon”. Cun chësta maniera de realisé i mujes te n stile coche ëila l tlama, “Saul-Steinberg“, spera Hopf de realisé na paralela danter da una na pert la biesces a forma de scuatula, che dëssa raprejenté coche nëus mandon ncantëur dut nosc avëi te scatules, y dal autra pert la persones che sauta tres l mond da n post al auter y se sënt ite tl economia globala coche biesces.
À partecipé a:
