Álvaro Urbano
∗1983, Spain
Álvaro Urbano (1983, Madrid, Spania) viv y lëura a Berlin. Te si lëur adrovel na gran varietà de media–dala nstalazion ala scultura, dal video ala performance–per crië ambienc y architetures de imerscion, che nfluenzea la perzezion dl publich. La culisses liriches y de cuntedes che Urbano crieia tl cuntest dla mostra y pra chëles che l fej nce referimënt a si sensibltà per l teater y l film, conta stories de monc paralei, aluzinazions y simulazions cumplichedes.“L me nteressea la vita de n oget, nia la copia de zeche che fova bele, ma l fé do si vita y l se purté ite te n ambient che à la capazità de cunté na storia. Te mi nstalazions, ambienc y scultures iel suvënz n mumënt de ilujion, ajache i ti semea belau a n referimënt de na realtà artifiziela. Nsci possa per ejëmpl ciches de zigaretes sun fonz vester sënies de na persona o pleces sëces te n piz de n local n referimënt al vënt. Sce chësta situazions vën a se l dé te n museum, te na istituzion ulache l muessa unì tenii ite cër protocoi, mudeles la realtà. Na azion de soverscion y monce politica.”
Tla Sala Trenker prejënta Urbano Zwischenzeit, na nstalazion metuda adum da na lum de streda storica uriginela dla ex DDR y da pleces metudes ora sun fonz. Uni plecia ie unida fata tl mitel y depënta a man, mustran la sajons defrëntes tres l mudamënt di culëures sun la pleces.
La lum de streda fej na lum, che tres na secuënza a cajo, devënta for plu y plu dëibla, simulan nscila n dialogh sot o nce na cunversazion intima. Chësta nstalazion, respuend ala dumanda de Urbano n con' dla vita sucrëta di ogec y dl'opres d'ert y de coche les se cumpurtëssa, sce les fossa personajes per si cont.
L ritm dla lum porta bel plan l vijitadëur a na meditazion luminan l'opres d'ert ntëurvia, dajan nscila al ambient dla mostra na atmosfera da nuet. Cun chësc lëur artistich, à Urbano l nteres de storjer i cunfins danter la realtà y la fantajia, dajan lum a stories speculatives, che nasc ora de ogec dla vita da uni di.
This project has been made possible with the support of Acción Cultural Española (AC/E)
