Bas Smets + Eliane Le Roux
∗1975, Belgium, 1983, France
Bas Smets (1975, Hasselt, Belgio) viv y lëura a Brüssel y a Paris. L ie fundadëur dl ufize de architetura dl paesaje Bureau Bas Smets y prufessëur per la pratica tla Harvard Graduate School of Design. Si lëures va dai gran parcs publics y zëntri storics dla ziteies ala cuntredes cun nfrastrutures y culisses de film. L ie cunesciù per avëi svilupà ecosistems urbans nueves, ulache vegetazion, tiera y ega crieia n microtlima che auza la resilienza dl ambient frabicà contra l mudamënt tlimatich. La cunlaurazion danter nrescidëures y nrescidësses y artistes y artisć ie tl zënter de si lëures. Danter si proiec plu nueves ie LUMA Park des Ateliers a Arles, i locai publics che vën al mumënt frabichei ntëur ala Catedrela de Notre-Dame a Paris y Building Biospheres per l pavillon dl Belgio pra la Bienela d’architetura 2025 a Unieja, svilupà deberieda cun l neurobiologh Stefano Mancuso.Eliane Le Roux (1982, Boulogne-Billancourt, Franzia) ie n art director. Te si opres se cunzentrea ëila sun nstalazions de imerscion tl spazium, ulache la cunlieia elemënc scenografics y architetonics tres l’adurvanza de materiai naturei. La i stata designer per show de moda per set ani y ie stata art director tl Bureau Bas Smets nchin l annn 2008. La ie unida crissa ora per la Hermès Académie des savoir-faire y da mpermò ala renuvà na sala tla Villa Medici a Roma.
“Coche architet dl paesaje cëli de trasfurmé la “cuntreda”, la cundizion che ie śën, te n “paesaje”, te na lingia de elemënc naturei che va a bën de duta la formes de vita. Uni proiet crieia n balanz nuef. L dialogh danter la scienza y l’ert ie de gran mpurtanza per chësc pruzes. Deberieda cun mi partner Eliane Le Roux ei metù adum n ciamp de referimënt da chël che l vën a se l dé chësta cuntredes.”
Alauta seura Urtijëi, sa Pilat, scrij Smets y Le Roux ite n ntervënt sutil, ma avisa tla cuntreda alpina. Chël che ti semea te n prim mumënt a n pra vërt fin se mostra ntant sce coche na cherta dl mudamënt tlimatich. A na destanza de 15 metri d’autëza vëniel a se l dé trëicënt stanges de pei per museré la nëif, uniun curespundënt al aumënt plan plan dla linia dl dlaciamënt ti ultimi dejeneies.
Chisc pei per museré la nëif, che vën adurvei d’inviern per dé dant la cuantità de nëif, sënia śën l ann ntan chël che n à udù la nëif a chëla autëza. La temperatura vën repurteda te autëza, l’atmosfera te forma. L’opra ne se bat nia ite sun la tiera, ma vën ora de chëla, lascian cunté la mont de si trasfurmazion.
Te chësc gest minimal devënta la cuntreda sibe n’imaja che na evidënza, n reghister chiet, ma zënza refudé i mudamënc, ulache belëza y prëscia vën adum te n urizont deberieda.
