Lydia Ourahmane
∗1992, Algeria
Lydia Ourahmane (1992, Saïda, Algeria) viv y lëura a Barcelona. Si lëures va da nstalazions cun reperc da video y sonns nchin a performance. Tl zënter de si nrescida artistica ie l cunzet dl spazium - la lerch di lecorc y dla vita privata, la lerch coche perzezion dl muvimënt di autri y la lerch coche ipotesa soziela y politica. “Ie pënse a situazions, sibe discretes che nia discretes, coche nterferënzes o argumënc da tò pea. L lëur passa tres na nfrastrutura che ie bele o nen chir na nueva. Ne son nia for nteresseda ala critiches, ma me neressea deplù la mudazion. L'ert ie per mé la vita che passa tres ëila, deventan n post ulache n se fej dumandes che se dà ju cun la realtà, la tulan ite zënza na soluzion definitiva da prejenté te n cuntest. Sce na metodologia ie nterativa, devëntela na esperienza culetiva.”Ourahmane ie nasciuda y chersciuda su tl’Algeria, dan che la ie jita a sté cun nuef ani a Londra cun si familia. I lëures dl’artista ie testemunianza de stories de viulënza coloniela, espulscion y uprescion.
Tl zënter dl Hotel Ladinia che ie unì arbandunà, dà Ourahmane inò vita al bar y la lounge, sciche n post per se ancunté. Stlut dal 1998 incà, univa l local n iede nuzà sciche luegia soziela, ulache seniëures y jënt dl post se abinova per se bever zeche, s'la ciaculé y fé damat. Tres la cunversazions fates cun la vedla jënt dl post che se nuzova de chësta bar, mët l'artista adum duc i pensieres, ti dajan inò vita.
Per la Bienela vëniel inò giaurì la ustaria coche n ambient provisor: i vijitadëures ie nviei a se tò pea da bever y a se abiné pra la mëises fates per fé al scioh. Mpede mëter a jì na storia spezifica, funzionea l'opra d’ert tres la renasciuda y la partezipazion, lascian pro a nterazions nueves te n'architetura che à bele si storia.
La nstalazion dà inò vivanda a n post destudà che ne vën nia plu adurvà, metan al prim post l barat soziel coche elemënt prinzipel dl’opra d’ert. La tol ju stuep dai lecorc, ulache l passà y l prejënt se mescëida tres la partezipazion culetiva y l tëmp che n spartësc adum.
This project has been made possible with the support of Acción Cultural Española (AC/E)
