Andrius Arutiunian
∗1991, Armenia/Lithuania
Andrius Arutiunian (1991, Vilnius, Lituania) ie n artist armen-lituan y cumponist cun sënta ti Paejes Basc. Si pratica se muev danter nstalazion, film, sonn y scultura, i tratan coche manieres defrëntes de una na nrescida.L lëur fat da mpermò de Arutiunian fej damat cun modiei alternatifs de n orden dl mond nravisà te cosmologies folcloristiches y mitologies speculatives. Suvënz se nuzan de sistems de cunescënza nia uzidentei, mostra l artist coche l mit y l pudëi sibe da for incà nia da despartì y coche la storia dla uprescion vën ora tres la cultura de chësc mumënt. La nstalazions de Arutiunian esplurea l sonn coche n’architetura fluida dl tëmp - acustich y politich te n iede. L folclor, la cuntedes geopolitiches y la stories d’estrazion dla materies primes se spidlea suvënz te chësta nrescida, ulache l sofonz (udù coche lerch fisica y cundizion politica) devënta na lerch per na cunteda al cuntrer.
Per la diescejima Bienela Gherdëina, prejënta Arutiunian n lëur nuef, l se trata de na nstalazion y de n video, tulan tres la tematiches dl sfrutamënt dla natura, dla mitologies da mont y de deviniteies, mo nia cunesciudes, dl daunì. Metù adum sciche n “banchët de sasc”, ie l lëur da udëi coche n'ancunteda de entiteies nia umanes, metù ora te n chëul iluminà, tl museum dl luech.
The Black Banquet se prejënta sciche na luegia de bënunì per i spirc: na mëisa se abelësc cun iconografies de l’auter mond. L lëur se muef tres doi formes de estrazion: l asfalt che resta tl tëmp sot (deep time) che fej safuië la scultura; y motifs ziplei ite te munëides, urnes de supeltures y sasc dla fòsses, che vën dac ite a n algoritm crià aposta, per fé na iconografia nueva, de diviniteies speculatives de n mond che à mo da unì, metudes adum tres cosmologies dl sot dla tiera. L lëur che vën dainora, ti dà na lerch a ciche n ne veij nia.
Per acumpanië la scultures, al fat l video Lethe, che tira l uedl a chëi che ti cëla mo plu sot ala logica speculativa dla nstalazion. La storia va bel plan do, a n troi, che va ite te na taverna plëina de fum, n post de ancunteda tl raion sota tiera, ulache trance y rituai culetifs va adum. La camera se muev tres la bampa, y n scumëncia a udëi figures che vën ora dal fum: deviniteies che fej mprescion, criedes tres l medemo pruzes sintetich, che ti dà forma al'iconografia dla scultura. N'opra sonora che se lascia audì tl local, tres cater canai: na fuera de trance, lasceda jì set iedesc plu plan permez al uriginel, zënza la frecuënzes plu autes, sburdleda de viers dl mond plu sot.
In collaboration with
